Buat pemulaannya aku nulis dalam bahasa ibundaku...huhuhu... yang tuha2 taguu2 mun salah yah... tahu tah jua, owang kadayan bahau ani nda baapa luus kala2 'istilah' dalam kadayannya... sengaja kumasukkan ke dalam blog ku ani.... ndaulah nih, tangah samat sudah link kan blog ku d KKS (Komuniti Kedayan Sejagat) di Facebook. Kaang owang kedayan malihat ndada jua upa kadayannya blog ku ani.. jadi, ani nulis tah ku caita dalam bahasa kadayan. nulis ganya tahuku... yg lain2 ndaku pandai jamu paadian....
Aku ni daei damit tinggal d kampung kadayan..betutuan kadayan bilang haei... sampai kaangani pun kakal juaku betutuan kadayan mun tajumpa wang kadayan. tapi yang ku hayan ada jua wang kadayan yang buat2 kelupahan bahasanya sandiee. bukan ku nuduh, tapi yang banaanya. adatah dua tiga owang ni yg masaei ku tejumpa d kk, aduh... betutuan malayah dia pulang. aku kakal juaku betutuan kadayan. supan ya kan bekadayan pakah sabab amai kawannya. aku mun dapat tambah amai dangan tambah ku kan bekadayan... mun dangan betanya bepadah nih ku atu tutuan diee. siapa lagi kian kan betutuan kadayan mun ukan diee ani? mudahan tia kawan2ku yang sikapnya mau2 inda ganya kan betutuan kadayan mun tejumpa d bandaa tu sadaa...dausah di supankan bahasa sandiee!
Anakku yang tuha (6 tahun) ada jua pandainya kadayan... ndaulah babahasa kadayan banaa d umahku ni, lakiku ukan kadayan. bangsa anakku pun ukan lagi kadayan..jadi bisaya tia...hahaha... apa jua ulah. tapi, ada jua pandainya jamu. ndaulah nih, bilang kali ya mulih ke kampung ada tia kalimah bahau ulihnya daei kampung. pandai jua ya jamu kaangani tu dikit2. ganya ndalah ya makai hantap. alum ya tahu gunanya bah tu. sapupu2nya d kampung betutuan kadayan... aku kala2 mun maah tekaluaa jua kadayanku tu aah anakku. paham jamu ya jua. yang mula2 di katahuinya biani anakku ni: hantap jua banaa, alum pakah.... nda banyak hantap jua. tapi uja owang diie ada 'improvement' bah...:)... mun cuti skulah yang panjang di kampung ya tu kala2 seminggu. tahu tah saja, owang tuhanya ni kala2 ada tia saja kan di uruskan d bandaa, ndaulah tah bepaam batah2 di kampung.
Aku ni bukannya owang bandaa hantap. daei damit mandi di sungai. mun sungai d lubuk tu bah, abis daei hulu ka laut bah tu ulih kami. ganya kaangani tu damit hantap tia sungainya. mulanya yah, daei bauh umah kami tu tah limbauhnya. amai2 mandi tu... laki2 bini2 bah tu...inda lagi bekia. mulanya nda baapa diee panyupan bah. mun kakal umuu d bawah 12 tahun alum supan hantap. kakal main bubut-bubutan di sungai. mbaei lamas itu jamu. mun kawan diee basaa di salam saluukannya diee ke dalam sungai. musim atu alum belintah di sungai. hantap baik aingnya nih...inda kamah. masaei kami tu yang bepalampung kan kain bekamban daei hulu ke laut...hahaha...kreatip jua jamu aei diee damit. apa saja yang dapat dijadikan pemainan bah. mun di sungai padang skulah tu bah..duii kan bilang malamaei tu mandi sana... lapas abis main rounders ... taajun ka sungai..ulihhh..hantap baik asanya tu... bapaluh2 taajun ka sungai... inda batah tumbuh tia panau....hahaha... mancahaei daun paul kan ubat panau. banyak itu di kampung... inda mbaei ingau hantap mun tkana panau. tapi, diee mulanya nda mudah hantap kana panyakit jamu. tahan tukul bah. biasa sudah bapayah, panyakit pun payah kan datang, kacuali panyakit ketuunan macam kami ni (ampus). atu payah kan di ubati tu... banyak sudah patua dangan, tapi inda ya hilang jamu tu jua banaa. ada jua ya datang kala2....
Aku ni iski hantap ngail. daeiku damit bah. tapi jaan macam2..hantap peluihanku jamu mun ngail... jaang inda luih lauk yang basaa2... ngail di sungai ni nda lain nih: bantang, patihan, biaan, lami, daun buluh, dalak, hauan, kali, nanggalah. mun di sungai basaa ada jua baung. samuha tu masaei sudahku luih tu ngail. baumpankan galang2 (cacing) ganya tu, adeh banyak tia ulih diee tu. aei alum tahu kan gali nih tu. kala2 beumpan dadak becampuu hubi kayu... makan hantap tu jamu. ani kaangani ni hantap galiku kan galang2 tanah tu jamu. mbaei hayan jua tu pasal aei damit mulanya ndaku gali. anangnya pakah mun batah inda njamah. kaangani mun ku mulih ke kampung kakal juaku kan ngail tu. mun kan ngail kali beumpankan dadak becampuu buah kelapa sawit...hantap makannya itu! mun ada buah pangalaban, beumpankan pangalaban... lagi sanang...nda payah di campuu apa2 itu..kaitkan saja pangalaban tu damit2 di pemata kail... nda batah kana tungap tia tu (mun sungai tu bakali lah).
Tapi, mula ku tingkatan 1 sampai tingkatan 6 skulah d kk. mulih ke kampung kala2 sebulan sekali..kala2 2 bulan sekali... nyambung lagi masuk ke universiti 4 tahun... inda sampai setahun di kampung lapas abis balajaa di universiti, ke kk lagi bebalik..bakaaja...sampai tah ani... upanya 9 tahun sudahku d kk ani bakaaja (campuu aei skulah 15 tahun sudah tu). daei kaaja sambilan/sandaan, sampai tah bakaaja tatap. andang ajiki di kk gayanya ni. mbali umah pun di kk jua. ndaulah nih, hantap payahku tu aei lain mun mbali umah di sipitang tapi bakaaja di kk. alumku sanggup asanya bilang haei beulang alik. sangal jua balakang tu draib. mun panjang umuu kan beumah jua di kampung tu aei lain. mulih ke kampung mun sudah kan pencen (mudahan panjang umuu, paadian). tapi alum jua kompom hantap ni... lakiku tu bunyinya kan beumah jua ya di kampungnya.. nahh...atu tah payahnya... tapi apa jua ulah diee ni bini2... andang nuut laki... mun uja laki tinggal di kampungnya mun sudah pencen, tuut tia saja....
Adehh..paning sudahku ni... banyak kan ku caitakan ni banaanya.. tapi, aei lain tah.... isuk kan skulah lagi... ngajaa kanak2 yang kan belajaa... ada jamu jua kanak2 skulah ni yang inda iski kan belajaa... ke skulah kan bejumpa sama kawan2nya ganya... mun nda mbuat hal inda apa.. ani, tahu tah saja mun kanak2 skulah manangah ni... banyak hantap paangainya kala2... mun nda sabaa bah...ada yang kana dahup pakah... kala2 ada di pikian tu... ganya diee ni banyak besabaa.. mun inda, dausah jadi cigu mun kan ndahup anak dangan nganya kan kaaja... bukan kaaja cigu tu dahup mendahup tu....hihihi... Bah! paadian..aei lainku nyambung lagi caita kadayanku ni yah....
salam,
